Lionel Mesi po mendon të qëndrojë te Barcelona të paktën dhe për një sezon.
Menaxheri dhe babai i tij Horge Mesi pas takimit me presidentin e Barcelonës Josep Maria Bartomeu, përveçse tha se takimi kokë më kokë shkoi “shumë mirë”, iu përgjigj pozitivisht pyetjes nëse beniamini i Barcelonës do të qëndrojë deri në përfundim të kontratës (verë 2021) dhe ai theksoi: “Po”.
E ardhmja e yllit të futbollit po ndërlikohet me kalimin e ditëve. Për herë të parë gjatë karrierës, ai kërkoi të largohej nga Barcelona pas dështimit të sezonit.
Në rast se palët nuk arrijnë të gjejnë gjuhën e përbashkët, çështja do të kalojë në duart e një gjykate.