Josip Ilicic më në fund është gati të bëjë kthimin e tij në Zingonia. Kampioni i Atalantas, i cili është kthyer në Slloveni për shkak të një depresioni që nuk e lejoi atë të përfundojë sezonin e shkuar, duhet të kthehet sot në qendrën stërvitore të Bergamos.
Siç raportohet nga “Tuttomercatoweb.com”, tifozët, të cilët gjithnjë kanë treguar solidaritet ndaj tij, dëshironin të tregonin më tej afërsinë e tyre me sulmuesin slloven me një banderolë të bukur të vendosur në portat e qendrës sportive. Sot për sllovenin vetëm “përqafimi” me grupin, kurse nga nesër testet mjekësore dhe më pas stërvitja.
