Real Madridi ka shitur Alberto Soron te skuadra e Granadas. “Los Blancos” po mundohen që të grumbullojnë të ardhura nga shitja e futbollistëve dhe i radhës që i dha lamtumirën “Santiago Bernabeos” ishte Soron.
Ky i fundit nuk ka qenë asnjëherë pjesë e ekipit të parë dhe është përdorur në formë huazimi nga ekipi i trajnerit Zinedine Zidane. 21-vjeçari luajti së fundmi i huazuar tek ekipi i Zaragozas ku dhuroi paraqitje të mira.
Granada e pikasi mesfushorin dhe e rrëmbeu. Një afrim i rëndësishëm për klubin spanjoll para ndeshjes kundër Teutës, e vlefshme për Europa League. Spanjollët do të vijnë në Shqipëri për të luajtur me durrsakët.
