Max Verstappen ka folur sërish për dominimin e Mercedes në kampionatin e Formula 1, duke thënë se piloti britanik është ndihmuar shumë nga makina në fitimin e titujve kampionë. Sipas pilotit holandez, 60% e pilotëve aktualë të Formula 1 do të fitonin titullin me makinën Mercedes.
Për “Ziggo Sport”, piloti holandez i Red Bull tha: “Edhe unë do të isha shpallur kampion bote po të pilotoja makinën Mercedes. Madje 60% e pilotëve do të ishin shpallur kampionë bote në Formula 1 me një makinë të tillë Mercedes”.
Më tej, Verstappen u shpreh me fjalë të mira për Hamilton: “Lewis është mjaft i zoti si pilot, është një nga më të mirët e të gjitha kohërave. Gjithsesi, me një makinë tjetër rivale të mirë edhe ai humbet. Jam i bindur për këtë”.
