Sezoni i ri ka filluar prej pak ditësh pasi vetëm një muaj më parë është mbyllur me sukses ai i vjetri, por Bayern Munich ka akoma uri dhe është në gjendje të ngrejë një tjetër trofe shumë shpejt.
Bavarezët do të përballen të enjten në mbrëmje me Sevilla-n në Superkupën e Europës në Budapest. Trajneri i kampionëve të Europës, Hansi Flick, ka folur në konferencë për shtyp në prag të ndeshjes.
“Sevilla e ka fituar me meritë Europa League. Është një skuadër e pjekur dhe e fortë taktikisht. Trajneri i saj po bën një punë shumë të mirë. Të dy ekipet kanë shumë për të dhënë, kështu që mund të presim një ndeshje të nivelit të lartë”, ka thënë trajneri i Bayern-it.
“Duam të përgatitemi në mënyrën më të mirë. Mendoj se skuadrat do të jenë gati në 100%, shumë të përqendruara dhe se do të luajnë me intensitet të madh. E marrim shumë seriozisht këtë sfidë: është një finale, dhe finalet, dihet, janë gjithmonë speciale”.