Trajneri i Napolit, Xhenaro Gatuso mendon se do jetë një sezon i vështirë, por gjithashtu shprehet se është gati për të filluar kampionatin. Napoli e nis sezonin e ri në transfertën e Parmës, ndërsa ndeshjen tjetër e luan në shtëpi ndaj Xhenoas.
“Ne do jemi gati për fillimin e kampionatit. Do jetë një sezon i vështirë, sepse Napoli do duhet të luajë shumë ndeshje të vështira rresht”, tha Gatuso për uebsajtin zyrtar të klubit. Napoli përballet me Juventusin në raundin e tretë, dhe me Atalantën në raundin pasardhës.
Në javën e 8-të, ekipi i Gatusos ndeshet kundër Milanit në shtëpi, për të udhëtuar më pas drejt Romës në raundin tjetër.
