Trajneri i Marseille, Andre Villas-Boas, nuk është kursyer kundër trajnerit të PSG-së, Thomas Tuchel, në konferencën për shtyp të dhënë pas ndeshjes së fituar 1-0 nga skuadra e tij kundër kampionëve të Francës.
Duke folur për përplasjen që kanë patur dy trajnerët gjatë ndeshjes së Ligue 1, Villas-Boas ka thënë:
“Kanë qenë fyerje normale. Të tipit ‘Je një m…’. ‘Jo, ti je një m…’. Ai më ka thënë se mbrëmjen e sotme (djeshme) kam fituar lotarinë, unë i kam thënë se ai e fitoi kundër Atalanta-s”.
“Kam shumë respekt për atë dhe për punën e tij. Natyrisht, PSG pret të fitojë Champions-in një ditë. Pse të mos investosh një miliard e gjysmë euro dhe të mos fitosh Champions League”.
“Ancelotti ka qenë këtu dhe tani drejton Everton-in, Emery ka qenë këtu dhe tani drejton Villarreal-in. Champions-i është i vështirë”.
