Gëzim Krasniqi është tashmë një lojtar i Kukësit, me mbrojtësin e njohur që i ka dhënë kështu fund aventurës së tij në Maqedoni.
Lajmi që qarkullonte prej ditës së djeshme është zyrtarizuar sot, me verilindorët që kanë prezantuar ish-mbrojtësin e kuq. Krasniqi prej pesë sezonesh ishte pjesë e kryeqytetasve, ndërkohë që tashmë nis aventurën e re te nënkampionët, ku do të gjej dhe ish-lojtarin tjetër të Partizanit, Ardian Cuculi. Sezonin e fundit ishte pjesë e Rabotniçkit në kampionatin maqedonas.
28-vjeçari nga Kavaja ka firmosur me Kukësin për një sezon, me të drejtë rinovimi edhe për një tjetër në fund të tij. Ai do të zë kështu vendin e Albi Allës në qendër të mbrojtjes.
