Menaxheri i ndeshjes, Shqipëri-Lituani, Lusjen Nurishmi, është shprehur se është respektuar çdo protokoll i UEFA-s për ndeshjen e sotme. Gjithashtu ai shprehet se stadiumi është në kushte perfekte.
“Nuk është një gjë normale të organizohet ndeshja në kushte të tilla. Çdo gjë është bërë duke respektuar protokollin e UEFA-s. Stadiumi është në kushte perfekte. Deri tani është brenda standardit që UEFA është e kënaqur për ato që janë bërë.
Deri tani asnjë person nuk ka rezultuar pozitiv me Koronavirus dhe janë të gatshëm për ndeshjen e sotme.”, u shpreh Nurishmi për “Rtsh”.
