Në pistën e Spielberg janë zhvilluar sot provat e para të lira të vlefshme për garën e Çmimit të Madh të Austrisë në Formula 1. Kjo është gara e dytë radhazi që zhvillohet në këtë pistë.
Ashtu sikurse gjatë gjithë fundjavës së kaluar edhe këtë herë më i shpejti në pistë ishyte Max Verstappen me Red Bull. Ai ndali kronometrin në 1’05”143, duke lënë pas dy pilotët e Ferrari, Charles Leclerc dhe Carlos Sainz.
Dobët u paraqit kampioni i botës në fuqi, Lewis Hamilton, i shtati me makiën Mercedes, ndërsa shoku i tij i skuadrës Valtteri Bottas u rendit i katërti. Dobët edhe dy makinat McLaren, me Norris dhe Ricciardo.
