Makthi i COVID-19 nuk po jep shenja të zhdukjes. As në futboll. As në futbollin anglez, ku Manchester City njoftoi pozitivitetin ndaj virusit të dy lojtarëve në tij: Riyad Mahrez dhe Aymeric Laporte. Klubi anglez e ka komunikuar këtë përmes faqes së tij zyrtare, duke specifikuar se anësori algjerian dhe mbrojtësi francez janë asimptomatikë:
“Manchester City mund të konfirmojë që Riyad Mahrez dhe Aymeric Laporte u testuan pozitivisht për COVID-19. Të dy lojtarët aktualisht po përjetojnë një periudhë vetë-izolimi në përputhje me protokollin e karantinës së Premier League dhe qeverisë angleze. Asnjëri nuk ka ndonjë simptomë të virusit. Të gjithë në klub i urojnë Riad dhe Aymeric shërim të shpejtë në funksion të kthimit të tyre në stërvitje për sezonin e ri”.
Kujtojmë se Premier League do të fillojë të shtunën, por jo për Manchester City. Ndeshja kundër Aston Villa është shtyrë, pasi de Bruyne dhe shokët e skuadrës, si dhe ata të Manchester United, e përfunduan sezonin e kaluar vonë në krahasim me ekipet e tjera në kampionat.