Ivan Rakitic dhe Barcelona i kanë thënë lamtumirë njëri-tjetrit pas 310 ndeshjes dhe 13 titujve.
Mesfushori është kthyer në Sevilla-n “e tij”.
Në konferencën për shtyp të lamtumirës, siç ka bërë të ditur Mundo Deportivo, kroati ka dashur t’i japë edhe një këshillë Leo Messi-t, i cili po mendon mund të ndjekë gjurmët e ish-shokut të skuadrës dhe të largohet gjithashtu nga Camp Nou.
“Messi? Respektoj vendimin e të gjithëve dhe mbi të gjitha respektoj Barçën. Çdo lojtar duhet të bëjë atë që mendon se është më e mirë për të”.
“Personalisht mund të them se nuk e kam patur të lehtë të largohem pas gjashtë vitesh. Besoj se zgjedhja më e mirë e mundshme për të gjithë lojtarët është gjithmonë Barça”, ka thënë Rakitic.
