Trajneri i Liverpulit Jurgen Klop u nervozua nga komentet e ish-kapitenit të Mançester Junajtid dhe opinionistit Roi Kin se kampionët e Anglisë luajtën të shkujdesur dhe jo në nivel të lartë kundër Arsenali, takim që përfundoi me fitoren e të kuqve 3-1.
Tekniku gjerman iu përgjigj në lidhje direkte Kinit se ai duhet të ketë ngatërruar ndeshjen e sotme të Liverpulit me ndonjë tjetër, ndërsa theksoi se skuadra e tij luajti fortë ndaj një rivali të përgatitur mirë.
“A e dëgjova saktë zotin Kin që tha paraqitja jonë e sotme ishte e shkujdesur? Mund t’ju dëgjoj tashmë, a tha kështu?! Ndoshta ka folur për ndonjë ndeshjet tjetër, sepse nuk luajtëm kështu sot. Më vjen keq!
Asgjë nuk ishte e shkujdesur. Nga sekonda e parë dominuam kundër një ekipi në një 100% të formës së tij. Duhet të tregohemi të kujdesshëm si dreqi dhe të mos e pësojmë nga kundërsulmet. Përveç kësaj, futbolli që luajtëm sot ishte spektakolar”, deklaroi trajneri i Liverpulit Jurgen Klop.
