Manuel Rui Costa, drejtori sportiv i Benfica, foli për mosardhjen e Edinson Cavani. Ja deklaratat e tij për mikrofonat e “Benfica TV”: “Cavani? Ne e kemi bërë tonën. Ai donte 10 milionë euro rrogë në sezon, çka për ne nuk ishte e logjikshme. Ne i kemi afruar deri në 7 milionë euro. Një lojtar pothuajse 34 vjeç nuk mund të kërkojë ato shifra. Sot lojtarët janë lodra në duart e menaxherëve. Më thoni, si mund të bëhet një investim i tillë.
Kjo do të thotë që paga e të gjithë ekipit duhet të rritet. Sidoqoftë, është edhe faji i menaxherëve dhe i klubeve. Bota e futbollit duhet t’i njohë vetes një zvogëlim në shpenzime, me paga fikse. Ju pretendoni se jeni më i forti në botë, por a e keni provuar këtë në fushë? Ok, 10 milionë euro, sepse jeni Messi apo Ronaldo. Pjesa tjetër e lojtarëve duhet të përshtatet, me paga të qëndrueshme për klubet.
Unë shoh djem që shkojnë nga të rinjtë në ekipin e parë dhe pas gjysmësezoni të bërë në nivele të mira, trokasin në derë për më shumë para: Jam duke luajtur mirë, dua 2 milionë në sezon, përndryshe do të largohem. Dhe çfarë ka bërë? Disa gola dhe dy lojëra të mira. Nuk mundet diçka e tillë. Janë 24-vjeçarë që marrin 7, 8 milionë euro, kjo nuk është normale. Unë them që të gjithë duhet të vendosim një kufi, përndryshe futbolli është i destinuar të falimentojë së shpejti”.
