Tirana triumfoi me përmbsyje 2-1 ndaj Vllaznisë, në miqësoren “klasike” të zhvilluar në “Selman Stërmasi”. Të dy trajnerët e kishin vlerësuar maksimalisht këtë përballje, duke hedhur në fushë, lojtarët më në formë të momentit.
Shkodranët kaluan në avantazh me anë të Dungës, në minutën e 17-të. Keniani realizoi nga pika e bardhë e penalltisë, ndërkohë që në fundin e pjesës së parë, Isufi realizoi autogol, duke vendosur baraspeshën. Për golin e fitores, mendoi sulmuesi Avdiaj, i cili i hedhur në fushën e lojës në minutën e 85-të, në vendin e Muçit, teksa i mjaftuan vetëm disa sekonda për të gjetur golin e fitores.
