Antonio Konte pranon se Interi është gati për sezonin e ri. Zikaltërit sezonin e kaluar e mbyllën kampionatin vetëm një pikë pas Juventusit që u shpall kampion.
“Ne kemi punuar mjaft mirë dhe jam i mahnitur me këto tre javë që jemi përgatitur për sezonin e ri. Jam i lumtur me dëshirën që kanë treguar lojtarët. Ne jemi gati për sezonin e ri. Do të jetë një kampionat shumë i vështirë në të gjitha aspektet. Ne gjithmonë do përpiqemi të japim më të mirën. Përsa i përket eksperiencës, Vidal dhe Kolarov mund ta sjellin atë. Hakimi është 21-vjeç dhe do jetë një lojtar shumë i rëndësishëm. Jemi në marrëveshje totale me klubin përsa i përket merkatos. Nuk do flisja për keqkuptime. Ka pasur krahasime, këndvështrime të ndryshme dhe ndonjëherë edhe ngritje tonesh, por mendoj se në një famile të gjithë duhet të paraqesin arsyet dhe mendimet e tyre.
Ka pasur gjithmonë besim nga ata që punojnë në klub. Ne jemi gati për sezonin e ri edhe pse e dimë se do jetë një kampionat më i vështirë se ai i vitit të kaluar, por ne do jemi gati”.