Sulmuesi i Kombëtares, Bekim Balaj është shprehur se nuk ka shumë rëndësi nëse ai luan apo jo, por e rëndësishme është që të marri fitore ekipi kombëtar.
Në konferencë për shtyp ditën e sotme, sulmuesi shkodran është shprehur se dëshira është e madhe për të luajtur nga minuta e parë për Kombtaresn, por gjithçka e vendos trajneri.
“Ajo që na ngroh të gjithëve nga Bjellorusia është 3-pikëshi që morëm. Jemi në rrugën e duhur, pas dy ditësh kemi ndeshjen dhe nuk kem i shumë kohë për të festuar. Dëshira është e të gjithëve që ta nisim si titullar, por kjo nuk varet nga ne, pasi vendos trajneri. Arritëm fitore dhe kjo na kënaq të gjithëve. Nuk ka rëndësi sa minuta luajmë, e rëndësishme është ajo që japim për ekipin kombëtar.
Sigurisht që dëshira është e madhe të shënosh për Kombëtaren, pavarësisht se ku shënon. Në stadiumin e ri ende nuk kemi arritur të festojmë. Tani që mungojnë tifozët, festa dhe ndjenja e golit nuk është e njëjtë si më parë.”, u shpreh Balaj.
