Mesfushori veteran i Shqipërisë Ledjan Memushaj ka nisur stërvitjen me Peskarën pas operacionit në gju. 33-vjeçari është ngritur në këmbë dhe u bashkuar “Delfinëve” për përgatitjet e sezonit të ri në Serinë B.
Futbollisti vlonjat humbi dy ndeshjet e Shqipërisë në Ligën e Kombeve për shkak të shqetësimeve në gju, që e detyruan t’i nënshtrohej ndërhyrjes kirurgjikale.
Nëse ruan kondicionin fizik, Memushaj do të mund t’i ribashkohet kombëtares për ndeshjet e muajit tetor në Ligën e Kombeve me Kazakistanin (11 tetor) dhe Lituaninë (14 tetor).
