Napoli i ri i Gennaro Gattuso-s ka filluar të marrë formë në grumbullim, në Castel di Sangro, por që skuadra të jetë me t ë vërtetë e plotë, klubi po vazhdon të punojë në merkato.
Megjithatë, shumë nga strategjitë e “Axurrëve” do të varen nga e ardhmja e Koulibaly.
Pavarësisht fjalëve të Aurelio de Laurentiis (“Anglezët nuk duan të na flasin pas çështjes Jorginho”), e ardhmja e senegalezit mund të jetë në Premier League, sepse Manchester City duket se është gati të prezantojë një ofertë të re për të kënaqur numrin një të Napoli-t.
Pasi është shuar ëndrra Messi, që ka lajmëruar se do të qëndrojë në Barcelonë, Qytetarët mund të ofrojnë deri në 75 milionë euro në ditët e ardhshme për të bindur klubin italian që ta shesë mbrojtësin, sipas SportMediaset.
Shitja e qendërmbrojtësit 29-vjeçar do të pasuronte arkat e Napoli-t me një “thesar” të vogël, që do të mund të përdorej më pas në merkato për të përforcuar skuadrën.