Trajneri i Tottenham, Jose Mourinho, është tallur me Manchester City, në lidhje me përpjekjet për ta blerë Lionel Messin.
City ishte favorit për ta afruar superyllin argjentinas, ndërsa u tha se Pep Guardiola madje kishte biseduar me 33-vjeçarin për kalimin e tij në Etihad.
Megjithatë, pasi Messi vendosi të qëndrojë në Barcelonë, Mourinho e kritikoi Cityn që tentoi ta blinte argjentinasin, duke thënë se një klub që përpiqet ta blejë Messin nuk i respekton rregullat e UEFA-s për “fair play” financiar.
I pyetur nëse do të donte ta blinte Messin, Mourinho tha në një video promovuese për lojën online Top Eleven: “Për ekipin tim në Top Eleven?”
“Jo, jo për Tottenhamin. Vetëm për ekipin tim në Top Eleven”, shtoi ai.
“Ne në Tottenham i respektojmë rregullat e “fair play” financiar”.
“Messi mund të shkojë vetëm në një ekip që nuk i respekton rregullat e vendosura nga UEFA”, theksoi ai.
