E ardhmja e Lionel Messi-t vazhdon të jetë çështja kryesore në këto javë. Numri 10 i Barcelona-s duket se do t’i thoshte lamtumirë Katalunjës, por diçka mund të ketë ndryshuar gjatë këtyre orëve.
Messi, sipas mediave spanjolle, ka vënë një kusht për qëndrimin e tij: atë që Luis Suarez të qëndrojë gjithashtu në ekip.
Ky mësohet të jetë kushti që Leo i ka vendosur katalanasve për të mos u larguar nga Barcelona. Ai nuk ka qenë i kënaqur me zërat në lidhje me një lamtumirë të mundshme të Suarez dhe me faktin se Koeman e ka likuiduar uruguaianin me një telefonatë.
Argjentinasi mund ta përmbysë situatën e tij dhe të mikut që, në këto orë, dukej se ishte shumë afër transferimit tek Juventus.