Vazhdimi i Lionel Mesit me Barcelonën nuk e ka lehtësuar aspak pozitën e presidentit Josep Maria Bartomeu.
Kundër kreut të klubit katalanas janë mbledhur 7500 firma për finalizimin e “mocionit të mosbesimit”. Deri në datën 17 shtator kundërshtarët dhe të pakënaqurit me presidentin Bartomeu duhet të grumbullojnë 16.520 firma për ta detyruar numrin 1 të Barcelonës të shkarkohet së bashku me bordin drejtues të klubit.
Rezultatet zhgënjyese të skuadrës së Barcelonës dhe kërcënimi i Mesit për t’u larguar nga Barcelona shkaktuan një valë të madhe pakënaqësie kundër Bartomeut dhe kupolës drejtuese të Barçës.
