Napoli e ka nisur me këmbën e mbarë kampionatin, teksa ka mposhtur Parmën në trasnfertë me rezultatin 2-0.
Për ekipin e Gatuzos shënuan Mertens dhe Insinje në minutat 63’ dhe 77’. Pjesa e parë ishte e qetë për të dyja skuadrat, ndërsa e dyta foli më shumë për ekipin e Gatuzos, që realizoi dy herë dhe u kthye në shtëpi me 3 pikët e para.
Përballë njëri-tjetrit sot ishin edhe 4 shqiptare, Rrahmani dhe Hysaj te Napoli, me mbrojtësin shkodran që e nisi si titullar, dhe Dermaku me Redi Kasa te Parma, me talentin 19-vjeccar që u grumbullua sot me ekipin e parë, ndonëse nuk u aktivizua për asnjë minutë. Gjithashtu në stadiumin e Parmës ditën e sotme u rikthyen edhe tifozët, teksa rreth 1000 të pranishëm ndoqën nga afër ndeshjen.