Futboll Premier League Sport

SALAH HERO ME TRIPLETË/ Ndeshje e çmendur në “Anfield”, Kampionët e Anglisë mposhtin Leeds

Liverpooli e nis me spektakël dhe sigurisht me fitore mbrojtjen e titullit kampion në Premier League. Të kuqtë e Jurgen Klopp shënuan 4 gola, megjithatë fituan me vështirësi 4-3 ndaj Leeds United, që rikthehet pas plot 16 vitesh në elitën e futbollit anglez.

Në “Anfield” u zhvillua një ndeshje e çmendur, sidomos në pjesën e parë, diçka që pritej nga një skuadër si Leedsi, që drejtohet pikërisht nga “i çmenduri” Bielsa (El Loco). Megjithatë këtë epitet në këtë sfidë e meritoi Mohamed Salah, që realizoi 3 nga 4 golat e “The Reds”.

Sapo nisi takimi, Salah gjeti mundësinë për të goditur brenda zonës, por topi u ndal me dorë nga një mbrojtës, me kryesorin që nuk hezitoi për të akorduar 11-metërsh. Egjiptiani nuk mund të gabonte, duke i dhënë epërsinë skuadrës së tij. Leedsi reagoi në të 12-ën me Harrison, që shënoi me një goditje të bukur nga jashtë zonës, por Liverpooli e mori sërish epërsinë 8 minuta më vonë me golin e van Dijk (me kokë).

Miqtë jo vetëm që nuk e humbën toruan, por barazuan për herë të dytë brenda pjesës së parë me Bomford (30’), që përfitoi nga gabimi i van Dijk, megjithatë skuadra e Jurgen Kloppit e mbylli pjesën e parë ne epërsi 3-2, pas një perlë të Salah, brenda zonës.

Pritej dominimi i Liverpoolit në pjesën e dytë, por golin e shënuan futbollistët e Leedsit, më saktë Klich, pasi një kontrolli të bukur dhe ekzekutimi po kaq të bukur, që la pa shpresa Alissonin. Kur sfida po i drejtohej fundit, Rodrigo shkaktoi një 11-metërsh në mënyrë naive, duke i dhënë mundësinë egjiptianit Salah ta mbyllte me tregolësh mbrëmjen, ndërsa Liverpoolit të merrtë fitoren e parë, edhe pse ndoshta Leedsi nuk meritonte të humbiste sfidën.

Related posts

LIVE/ Kastrioti – Kukësi, Momente tensioni në Fushë-Krujë. Çela përplaset me Çyrbjan

Delo.autor

ËSHTË NJERIU I MOMENTIT TEK MILAN/ Por Theo Hernandez paguhet më pak se lojtarët e stolit

Delo.autor

“RRESPEKTE BIG MAMA”/ La shtëpinë e “BBV” pas akuzave ndaj Antonelës, Granit Xhaka mbështet këngëtaren (FOTO)

Delo.autor

Leave a Comment