Heroi i Manchester United, Bruno Fernandes, foli pas fitores më të çuditshme në karrierë kundër Brighton me rezultatin 2-3. Portugezi shënoi penalltinë vendimtare në minutën e 90’+10′ të ndeshjes pas ndërhyrjes së VAR-it. Mesfushori jep mendimin e tij në lidhje me sfidën.
“E dinim se ishte një ndeshje shumë e vështirë. Brighton ka ekip të mirë, janë agresiv dhe luajnë mirë me topin. Ne u dhamë shumë hapësira në pjesën e parë të sfidës. Ne nuk jemi aq agresiv se sa duam. Gabuam në të dy golat dhe mund të bëjmë më mirë.
“Skuadrat e mëdha duhet të besojnë deri në fund dhe ia dolëm. Tani duhet të mendojmë për vazhdimësinë dhe të bëjmë shumë më mirë në vazhdim. Ata ndoshta merituan më shumë, por ndonjëherë duhet të kesh dhe fatin me vete”, – tha ai.
