Pjesa e dytë nuk prodhoi gola, ndërkohë që të dy trajnerët bënë zëvendësime të shumta, duke ndërruar pothuajse të gjithë skuadrën. Ky ishte testi i dytë miqësor për Vllazninë, pas atij ndaj Devollit që u fitua nga shkodranët me rezultatin minimal 0-1.
Nëpërmjet një reagimi në faqen zyrtare, klubi i Dinamos, ka konfirmuar ndërprerjen e ndeshjes miqësore ndaj Turbinës. Kjo përballje që po zhvillohej në stadiumin “Nexhip Trungu” të Cërrikut, u ndërpre në çastet e pare, për shkak të një përplasje mes të dyja kampeve, prej lojës të rëndë dhe ofendimeve.
NJOFTIMI I DINAMOS:
Ndeshja e programuar për t’u luajtur në Cërrik ditën e sotme, u ndërpre që në çastet e para të saj.
Shkak për këtë ndërprerje u bë loja aspak fair-play dhe ofendimet e vendasve që në çastet e para, duke e bërë të pamundur vazhdimin më tej të ndeshjes.