Orges Shehi është shprehur se fitorja ndaj Bjellorusisë, ka bërë që Kombëtarja ta presë me energji pozitive sfidën ndaj Lituanisë.
Gjithashtu Shehi u shpreh se e priste që të mos kishte shumë ndryshime në formacion sot, ndërkohë që shton se dyshimi ka qenë se a e bën dot Shqipëria favoritin e grupit.
“Sigurisht që futbolli për tifozët luhet, por me këtë situatë që është krijuar, është e pamundur që ndeshjet të luhen me tifozë. Megjithatë kjo ka pasur deri diku edhe diçka pozitive, pasi pas periudhës post-koronavirus Kombëtaret dhe klubet shqiptare kanë arritur rezultate fantastike.
Pas fitores në ndeshjen e parë, na bën që ta presim ndeshjen me energji pozitive. Duhet të bëjmë më shumë, por duhet të jemi edhe të kujdesshëm. Na duhet përqendrimi pasi është shumë i rëndësishëm në ndeshje të tilla.”, u shpreh Shehi për “Rtsh”.