Kombëtaret shqiptare të moshave në futboll, ajo U-17 dhe U-19 kanë njohur rivalët për kualifikueset e Euro 2026.
Kombëtarja U-17
Kombëtarja U-17 ka njohur kundërshtarët për kualifikueset e raundit të parë për Kampionatin Europian “Estoni 2026”.
Shorti i hedhur në selinë e UEFA-s e vendosi Shqipërinë në Grupin 8, së bashku me Kroacinë, Holandën dhe Kazakistanin. Të gjitha ndeshjet e Grupit 8 të këtij mini-turneu do të luhen në Kroaci, në datat 11, 14 dhe 17 nëntor 2025. Vendet e para dhe të dyta të çdo grupi do të kualifikohen më tej në raundin e dytë të kualifikueseve.
Kombëtarja U-19
Edhe Shqipëria U-19 njohu sot kundërshtarët e kualifikueseve të Kampionatit të ardhshëm Europian 2026 për këtë grupmoshë.
Në shortin e hedhur në selinë e UEFA-s, Kombëtarja shqiptare u shortua në këtë “Qualifiyng Round” grupin 5 së bashku me Ukrainën, Malin e Zi dhe Sllovakinë. Edhe këtë herë, UEFA si edhe federatat pjesëmarrëse në këtë grup kanë vendosur t’ia besojnë FSHF-së organizimin e këtij mini-turneu që do të zhvillohet në vendin tonë në muajin nëntor të vitit 2025.
Janë përcaktuar edhe datat e ndeshjeve, 12, 15 dhe 18 nëntor, ndërsa përballjet dhe datat do të vendosen më vonë.
