Milani blen Ante Rebiç përfundimisht: klubi italian e dha lajmin me anë të një postimi në faqen zyrtare.
Sulmuesi kroat, i cili erdhi në huazim sezonin e kaluar nga Eintracht Frankfurt, ka nënshkruar një kontratë deri më 30 qershor të vitit 2025 me kuqezinjtë. “Unë jam shumë i lumtur që do vazhdoj historinë time me Milanin – tregon Rebic për kanalin zyrtar të Milanit në një intervistë që do të transmetohet nesër – Kam punuar shumë, trajneri më dha besim dhe shfrytëzova mundësitë duke treguar se kam cilësi për të luajtur në këtë ekip. Sezonin e kaluar shënova 12 gola, bëra mirë por shpresoj të bëj edhe më mirë,” tha Rebic.
