Garet Bejl ka thënë se Hoze Murinjo është një nga arsyet pse u rikthye tek Totenhemi. Uellsiani kompletoi rikthimin në Premier Ligë nga Real Madridi në huazim 1-vjeçar.
Bejl është i emocionuar të punojë me Murinjon dhe është besimplotë se Totenemi do fitojë trofe nën drejtimin e portugezit. “Ai më ka folur për disa pozicione në fushë ku dëshiron të më aktivizojë, dhe unë jam i lumtur për këtë gjë. Murinjo është një nga arsyet kryesore pse erdha këtu. Ne duhet të fitojmë trofe dhe ai di si ta bëjë më mirë se kushdo tjetër.
E di që çdo tifoz i Totenhemit është i dëshpëruar për një trofe dhe ne do bëjmë të pamundurën për këtë gjë” tha Bejl për “BT Sport”.
