Vllaznia nuk ka ndërmend të ndalet me afrime në merkato. Haris Dilaver pritet të jetë firma e radhës për shkodranët. Sulmuesi boshnjak 30-vjeçar ka rënë dakord parimishit me drejtuesit dhe është shumë pranë zyrtarizimit.
Ai së fundmi ishte pjesë e skuadrës nga Uzbekistani, Nasaf Qarshi, teksa aktualisht ka dalë si futbollist i lirë.
Dilaver gjatë karrierës së tij është aktivizuar me disa klube në Bosnjë si dhe me grekët e Platanias, teksa tashmë është gati për të nisur një aventurë të re në kampionatin shqiptar me skuadrën e Vllaznisë.