Agjenti i Tiago Silvës, Paulo Tonieto ka treguar se ai nuk e di as emrin e drejtorit sportiv të Fiorentinës, por ka zbuluar se një tjetër klub italian ishte i interesuar për mbrojtësin brazilian. Silva u transferua tek Çelsi si lojtar i lirë pasi i skadoi kontrata me PSG-në, ndërsa agjenti i tij pretendon se Fiorentina nuk ishte në negociata të avancuara për brazilianin.
“Fiorentina na kontaktoi ne vetëm një herë, por muaj më parë. Ne nuk folëm për shifra apo gjëra konkrete. Unë mund t’iu them se unë nuk e di as emrin e drejtorit sportiv të Fiorentinës i cili më kontaktoi mua.
Por mund të ju them se një tjetër klub italian ishte i interesuar për Tiago Silvën”, tha Tonieto për “Tuttomercatoweb”.
