Çitadela dhe Specia u përballën ditën e djeshme në sfidën e vlefshme për Kupën e Italisë. Një “derbi” shqiptarësh mes portierit Elhan Kastrati dhe mbrojtësit Ardijan Ismajli, që u fitua nga ky i fundit me rezultatin 0-2.
Ndërkohë në minutën e 26-të, u regjistrua një moment i paprecedentë që po bën xhiron e rrjeteve sociale Futbollisti i Çitadelës, Manuel Iori, realizoi një perlë nga mesfusha, duke e dërguar topin në rrjetë pas daljes së portierit, që u anulua në mënyrë të çuditshme nga gjyqtari.
Iori u befasua kur arbitri nuk e konsideroi gol të rregullt, edhe pse nga pamjet të krijojnë idenë se kemi të bëjmë me një gafë të kryesorit.