Presidenti i UEFA-s, Aleksandër Ceferin, është shprehur se janë marrë disa propozime për të përmirësuar VAR-in. Ai në një prononcim të dhënë së fundmi, është shprehur se nuk është në të mirë të futbollit, kur për një vendim të VAR-it, merret shumë kohë.
“Kemi marrë shumë propozime se si të përmirësojmë VAR-in. Për mua më e mira është që ai të përdoret vetëm në raste shumë të diskutueshme. Në disa kampionate, loja ndalon për shumë minuta, diçka që nuk është shumë e mirë për futbollin. Zgjidhja është që të kufizohet përdorja e VAR-it. Duhet përdorur psh për prekjet me dorë ose kur pozicioni jashtë loje është 1-2 cm.”, u shpreh Ceferin.
