Portieri i Milanit Xhanluixhi Donaruma vazhdon të mbetet një “nyje e pazgjidhur” në kampin kuqezi. Sipas informacioneve të fundit, klubi është i gatshëm të paguajë gardianin italian 7-8 milionë euro në sezon në rast se ai rinovon kontratën.
Por, menaxheri Mino Raiola po punon një rreng për klientin e tij. Ai kërkon që Donarumës t’i caktohet klauzola e largimit prej 30 milionë eurosh në mënyrë që ta ketë të lehtë transferimin në një klub tjetër.
Donarumës i skadon kontrata në verën e 2021-shit dhe nëse ai nuk rinovon me Milanin, klubi do të humbiste një element i rëndësishëm, i cili konsiderohet pikë kyçe e projektit të “Djallit”.
