Mesfushori i Real Madridit Toni Kros shprehu hapur dëshirën për të mbyllur karrierën në klubin spanjoll. Në konferencën për shtyp përpara ndeshjes së nesërme në Ligën e Kampioneve me Borusia Mynsheglabahun, mesfushori veteran gjerman theksoi se dëshiron të fitojë akoma trofe me “Los Blancos” dhe ndihet mëse i lumtur në kryeqytetin e Spanjës.
“Më pëlqen gjithmonë kur kthehem në Gjermani sepse është vendi im, gjuha ime dhe gjithçka vjen prej këtej. Por, e kam thënë gjithmonë se kënaqem shumë në Madrid dhe më pëlqen jeta atje. Gjatë 6 viteve të fundit, kam marrë shumë oferta, por ndihem si në shtëpi në Madrid dhe ideja ime është ta mbyll karrierën këtu”, deklaroi Toni Kros.
