Ish-trajneri i famshëm i Brazilit Luiz Felipe Skolari do të drejtojë ekipin brazilian Kruzeiro. 71-vjeçari ka firmosur deri në vitin 2022 me “Dhelprat”, të cilët konkurojnë në kategorinë e dytë të futbollit brazilian.
Skolari arriti sukses në Brazil gjatë viteve ’90-të duke fituar Kupën Libertadores me Gremion dhe Palmeirasin. Kulmin e karrierës e arriti në vitin 2002 duke u shpallur kampion bote me kombëtaren e Brazilit. Ai shënoi arritje dhe me Portugalinë. Pas disfatës turpëruese 1-7 nga Gjermania në Botërorin e 2014, Skolari dha dorëheqjen nga stoli i Brazilit.
