“E kam mbrojtur gjithmonë parimin se autokritika na bën të gjithë më të mirë, por këtu ka munguar respekti. Jam fyer dhe kërcënuar, unë dhe familja ime”.
Me këto fjalë, Josi Maria Bartomeu ka argumentuar dorëheqjen e tij si president i Barcelona-s pas plot gjashtë vitesh në drejtim të klubit.
Ish-presidenti i katalanasve ka folur edhe për gjysmë-revolucionin e zhvilluar gjatë verës në skuadër:
“Ndryshimet në ekip duhet të ishin bërë më parë. E pranoj dhe kam marrë të gjithë përgjegjësitë duke kërkuar zhvillimet presidenciale marsin e ardhshëm”.
“Duhej ta rinonim ekipin dhe të ndryshonim disa gjëra. Kjo ka çuar te shitja e futbollistëve të rëndësishëm, që dua t’i falënderoj edhe sot për kontributin e tyre”.
“Kemi marrë në ekipin e parë të rinj nga Barça B dhe talentet e së ardhmes”, ka thënë Bartomeu në lidhje me largimet e Rakitic dhe Suarez.
