“Do të jetë një ndeshje përballë një kundërshtari shumë të fortë, që lufton për titullin në Itali, që ka arritur finalen e fundit të Ligës së Europës: Interi është favorit për kalimin e grupit tonë”.
Janë fjalët e Luis Kastros, trajnerit të Shahtjor Donjeckut, në konferencën për shtyp përpara sfidës së sotme. “Do të përpiqemi të japim më të mirën”, vijoi.
“Humbja 5-0 vjet? Nuk ndryshon asgjë mbi idenë time të futbollit. Interi shënoi në çdo rast, ne në asnjë. Pjesa e parë ishte e ekuilibruar, më pas në të dytën pas avantazhit 2-0 kishin mbyllur ndeshjen. Megjithatë, ne tani jemi në rrugën e duhur dhe mendoj se këtë herë do arrijmë ta ngjisim malin”.
