E përditshmja gjermane Kicker i ka thurur lavde blerjes së re të Bayern Munich dhe ka shpjeguar se “me gjithë respektin për Douglas Costa, Bouna Sarr dhe Eric Maxim Choupo-Moting, i riu më entuziazmues i katërshes së tetorit është Marc Roca”.
“Ndërsa tre të tjerët kanë vite më shumë, e ardhmja i takon katalanasit që në moshën 23-vjeçare mund ta zhvillojë dhe perfeksionojë lojën e tij në Bavari”.
“Espanyol është kënaqur me 8 milionë euro plus bonuse të lidhur me paraqitjet. Një marrëveshje që mund t’ia vlejë. Marc Roca frymëzohet nga Xabi Alonso në stilin e tij të lojës, ekspertët thonë se kujton edhe Sergio Busquets”.