Përtej futbollit, Sergio Ramos ka dy pasione të mëdha deri tani, që çdo tifoz i tij duhet t’i dijë përmendësh: artin dhe muzikën. Kur angazhimet e tij profesionale e lejojnë, kapiteni i Real Madridit pëlqen ta kalojë kohë duke kultivuar mendjen përmes këtyre hobeve, siç është bërë e qartë në videon e fundit, që ai ndau në Instagram.
Përmes historive të tij, mbrojtësi ka lënë të kuptohet se çfarë aktiviteti ia kushtoi një pjesë të pasdites së djeshme. Në imazhe, me sa duket filmuar nga Pilar Rubio, kapiteni i të bardhëve shfaqet i qetë në dhomën e ndenjes së shtëpisë së tij, i zhytur në leximin e një vëllimi të trashë për Salvador Dalí, ndërsa kënga “Sueño en el Paraíso”, e kantautorit Maita Vende Ca, dëgjohet në sfond. Piktura dhe “flamenko” shkojnë krah për krah në këtë moment intimiteti për futbollistin, i cili portretizon aq mirë interesat e tij personale.
Vëllimi, që duket se e ka magjepsur Ramos, është konkretisht, Dalí. Vepra piktoreske është një libër i botuar nga shtëpia prestigjioze botuese “Taschen”, e specializuar në botime arti, fotografie ose filmi. Vepra e nënshkruar nga Robert Descharnes dhe Gilles Néret mbi piktorin surrealist është, siç promovohet nga faqja e internetit e vetë shtëpisë botuese, “studimi më i plotë deri më tani i veprës piktorike të Salvador Dalí”. Ajo përfshin shkrime, vizatime të ndryshme dhe material arkivor nga artisti.
Përkushtimi i Ramos për artin nuk është i kufizuar thjesht në vizitat në muze dhe studimet profesionale. Për disa vite, qendërmbrojtësi iberik ka hyrë me forcë në botën e investimeve dhe koleksionimit të artit modern, ku, siç ka pranuar Pablo Motos në një intervistë, vitin e kaluar, ai ka arritur “disa goditje”.
Phil Frost, Francesco Clemente, Alex Katz, Jaume Plensa, Juan Genovés, Belin, Keiichi Tanaami dhe Manolo Valdés janë disa nga artistët, që Ramos ka zgjedhur për koleksionin e tij privat, megjithëse, pa dyshim, xhevahiri në kurorën e kurorës së futbollistit është “Donut Bansky”, vepër e artistit të famshëm të grafiteve.
