Muajt e parë të Donny van de Beek te Manchester United nuk ishin veçanërisht të paharrueshëm. 59 minuta në Premier League, vetëm pak aktivizim në Champions. Ngushëllimin e ka gjetur vetëm në kupë. Hollandezi është një zgjedhje e dytë për Solkjaer, ndaj vendimi i tij për të zgjedhur Manchester United, sipas Marco Van Basten, ka qenë një gabim i madh. Ai e tha këtë për “Ziggo Sport”:
“Është keq kur një lojtar i tillë luan vetëm gjashtë ose shtatë herë në vit. Van de Beek mund të bëjë shumë para, por duhet ta kuptojë se të luajturit është më i rëndësishëm për të ardhmen e tij. Kontrata 5-vjeçare është e pamend. Nëse kjo është situata, ai nuk duhet të kishte zgjedhur Manchester United dhe të priste oferta të tjera nga klubet, ku do të kishte luajtur gjithmonë”.
Tani për tani, shenja e vetme e Van de Beek me “Djajtë ne Kuq” është një gol i shënuar në ndeshjen e parë me Crystal Palace. Sidoqoftë, një gol i padobishëm, duke pasur parasysh humbjen përfundimtare 1-3.
