Zinedin Zidan është i kënaqur me fitoren, por thotë se i shpëtoi portieri Kurtua. Trajneri i Realit nuk ka dashur të tregojë asgjë për të ardhmen e Joviçit.
NDESHJA – “Po qëndroj me aspektet pozitive. Nuk ishte një mbrëmje e thjeshtë. E rëndësishme është që morëm 3 pikët, sepse do të përmirësohemi. Gjithmonë gabojmë me disa pasime në zonën tonë. Në pjesën e parë nuk ishim shumë mirë”.
SKEMA – “Nuk kemi bërë fazë përgatitore këtë herë për të provuar skemat. E dimë se çfarë mund të na sjellë çdo lojtar dhe çdo skemë”.
ZËVENDËSIMET – “Gjithmonë do t’i bëj zëvendësimet që të rregulloj gabimet në fushën e lojës”.
HAZARD – “Është dëmtim muskulor këtë herë dhe nuk ka të bëjë me problemet e së shkuarës. Nuk mund ta them kohën që do të mungojë. Janë gjëra që ndodhin. Ai është i mërzitur, sepse po priste me padurim rikthimin”.
JOVIÇ – “Nuk mund të them asgjë deri në fundin e merkatos. Është një lojtar yni. Nuk mund të them asgjë se çfarë do të ndodhë në të ardhmen”.
KURTUA – “Na shpëtoi javën e parë, por edhe këtë herë. Për këtë punë është Tibo”.
