Laçit i është shtuar “uria” këtë sezon. Nëse vjet u kënaqën me pjesëmarrjen dhe të ardhurat që i solli Liga e Europës (500 mijë euro), tashmë do të guxojnë më shumë.
Me afrimet që klubi ka bërë, do të tentojnë titullin. Gara do të jetë pa dyshim e madhe, megjithatë bardhezinjtë do ta bëjnë “luftën” e tyre.
Me objektivat që drejtuesit kanë, tashmë “topi” kalon tek Armando Cungu dhe lojtarët. Ata po stërviten maksimalisht dhe e vetmja gjë që presin është ndalesa e bojkotit dhe nisja e kampionatit. Shtyrja që do të vazhdojë të paktën edhe këtë fundjavë, u jep mundësi Nuabuezes, Shehut, D.Rapos, Kërçikut e Mustës që të rikuperohen.
