Triumfi i Khabib Nurmagomedov ndaj Justin Gaethje në eventin UFC-254 mbrëmjen e së shtunës është kthyer në një festë për fansat e rusit.
Mijëra fansa të Khabib në Dagestan e kanë parë “live” duelin në ekranet e mëdha të vendosura në sheshe dhe kanë festuar si të çmendur pas triumfit të idhullit të tyre.
Ata kanë kërcyer dhe kënduar nëpër rrugë, duke përmenduar emrin e Khabib, ndërkohë që makinat nuk pushonin së rëni borisë. Mjaft prej tyre mbanin në kokë parruken e zakonshme të Khabib.
Në këtë duel, Khabib mbrojti titullin kampion bote në peshën e lehtë, duke korrur suksesin e 29-të në karrierë (asnjë humbje).
Pas duelit, kampioni rus deklaroi edhe tërheqjen e tij nga sporti i arteve marciale mikse (MMA-së), pasi i kishte premtuar nënës së tij se kjo ishte sfida e fundit, pas vdekjes disa muaj më parë të babait.
