Marrëdhëniet mes Milanit dhe Realit të Madridit janë të shkëlqyera, teksa këtë e tregojnë qartë edhe marrëveshjet e arritura mes dy klubeve në të kaluarën.
Para një viti, kuqezinjtë afruan nga madrilenët, Teo Hernandez, i cili shkëlqeu që në sezonin e tij të parë. Edhe në merkaton e verës që lamë pas, dy klubet arritën marrëveshjen për kalimin e Brahim Diaz te Milani, aty ku në ndeshjet e para ka bërë shumë mirë.
Në këtë situatë, sipas “Corriere dello Sport”, kuqezinjtë po përgatiten për një tjetër afrim nga Reali. Bëhet fjalë për mbrojtësin Naço, i cili pëlqehet shumë nga drejtuesit italianë, të cilët kanë nisur bisedimet për ta afruar në skuadër. Media italiane raporton se mbrojtësi ka dhënë miratimin për të kaluar te kuqezinjtë në janar dhe një marrëveshje mund të arrihet shumë shpejt.
