Konkurrencë e ashpër për Adama Traore, talent spanjoll i Wolves.
Paraqitjet e mira të 24-vjeçarit në Premier League nuk kanë kaluar pa u vënë re nga Juventus, por edhe nga skuadra të tjera. Kështu, për të interesohen prej muajsh Barcelona, Liverpool dhe Manchester City.
Kohët e fundit duket se është futur në garë edhe Manchester United, gati të sfidojë kushërinjtë dhe pretendentet e tjera.
Kërkesa e Wolves për Adama Traore, sipas Daily Mail, duket se është rreth 90 milionë sterlina (pothuajse 100 milionë euro) dhe Manchester United po tregon interes për blerjen e lojtarit.
Një rival më shumë për Juventus-in, që ka kohë që e ndjek futbollistin.
