Barcelona e Leo Messi-t ka marrë një humbje djegëse 3-1 kundër Real Madrid ditën e shtunë.
Dhe është pikërisht Pleshti ai që ka përfunduar në qendër të vëmendjes për shkak të një statistike alarmuese: nuk shënon kundër rivalëve të përjetshëm qëkur Cristiano Ronaldo është larguar.
Statistika është me të vërtetë e tmerrshme për gjashtë herë fituesin e Topit të Artë që vetëm pak ditë para ndeshjes ka thënë se Clasico ishte një gjë tjetër me Cristiano Ronaldo-n, i cili duket se është një stimul i vërtetë për argjentinasin.
Në fakt, hera e fundit që Messi ka qen ë vendimtar me një gol në Clasico ka qenë sezoni 2017-18, pikërisht sezoni në të cilin CR7 vendosi të largohej nga Los Blancos dhe të transferohej tek Juventus në verë.
Një statistikë që nuk ka kaluar pa u vënë re dhe që tregon se si mungesa e portugezit e ka bërë Clasico-n, të paktën për Messi-n, një sfidë pothuajse si të tjerat.
Me fitoren e së shtunës, Real Madrid ka arritur ta kalojë Barcelona-n për numrin e fitoreve në përballjet direkte: 97 me 96.