Hamburgu i Klaus Gjasulës mori fitoren e pestë radhazi në kategorinë e dytë të futbollit gjerman duke mundur me rezultatin 3-1 Vurzburgun në shtëpi. Mesfushori kuqezi ishte njëri prej kontribuesve kyç në realizimin e golit të tretë të “Dinosaurëve”.
Pasi i gjithë ekipi kundërshtar ishte hedhur i gjithi në zonën e Hamburgut në një goditje këndi, ekipi i Gjasulës nis një kundërsulm. 31-vjeçari shkëputet me shpejtësi të jashtëzakonshme dhe pasi kap topin dhe e kontrollon me siguri ia pason shokut të skuadrës Libold, i cili vulos fitoren 3-1.
Sprinti i Gjasulës është regjistruar dhe përhapur në rrjetet sociale duke habitur dhe komentatorin gjerman të takimit.
Hamburgu e ka nisur mjaft mirë sezonin në Bundesligën 2 duke fituar 5 takimet e para të kampionat. Në këtë mënyrë, ata konfirmohen si pretendent për t’u ngjiturën në elitën e futbollit gjerman.
