Moviolistët e gazetave kryesore sportive në Spanjë, “AS” dhe “MARCA” mendojnë se penalltia që arbitri akordoi për Realin e Madridit ishte shumë bujare dhe ka disa interpretime.
NAÇO ME MESIN – Në minutën e 19-të mbrojtësi i Realit shkel Leo Mesin, por aksioni është shumë i vështirë sepse Naço e vendos këmbën në tokë dhe nuk mund të dallohet lehtësisht nga arbitri.
ZVERDHET KASEMIRO- Braziliani ndalon në mënyrë të parregullt Lionel Mesin. Kartoni i verdhë është i duhuri dhe Martinez Munuera vazhdon avantazhin për Barcelonën dhe pastaj ndëshkon brazilianin. Veprim i drejtë.
PRETENDIMET – Kasemiro bën një ndërhyrje të fortë kundër kapitenit të Barcelonës në minutën e 28- të. Për mendimin tim, ai i largon topin argjentinasit. Qartësisht ky rast nuk është penallti. Kasemiro shkon shumë fort, por i heq topin nga këmbët sulmuesit të Barcelonës pastaj e prek atë. Nuk është e ndëshkueshme.
DYSHIME – Për mendimin tim ka një rast të dyshimtë në zonën e Barcelonës, kur Lengle shtyn Serxho Ramosin dhe nuk e lë që të godasë topin. Kjo është penallti më shumë sesa ajo që u fërshëllye. VAR duhet të ndërhynte, por nuk e ka konsideruar gabim të dukshëm.
PENALLTIA – Sërish dueli Lenglet-Ramos. Mbrojtësi katalanas tërheq nga fanella kapitenin e Realit. Tërheqja është e dukshme dhe për këtë duhet të biem dakord, por nuk ka shumë vazhdimësi. Për mendimin tim është e interpretueshme, por e kuptoj edhe arbitrin që e ka fërshëllyer. Ai nuk duhet të thirrej nga VAR-i në këtë rast sepse është një penallti që e vendos arbitri në fushë. Nëse nuk fërshëlleu, atëherë duhet të vazhdonte loja. Megjithatë, Lengle nuk mund të veprojë kështu në zonë, sepse i lë mundësinë arbitrit. Ndërkohë, Anduhar Oliver (moviolist i gazetës MARCA) thotë se kjo penallti nuk duhet të fërshëllehej sepse raste të tilla ka 40 në një ndeshje.
